اليوم الخامس والعشرون

نشر في‫:‬الاربعاء, كانون الثاني 25, 2017 - 17:27
الصورة لـ إيميليو موريناتي | أ. ب.
الكاتب/ة: هاني عضاضة.

اليوم الخامس والعشرون..

القرن الحادي والعشرون.

--

اليوم الخامس والعشرون

والورد اللي يفتح مسجون

الشعب حزين باهت مغبون

بين دين ودولة يعيش مطحون

--

اليوم الخامس والعشرون.. 

في دين أخوان وفي دين صهيون

وفي دين البنك ودين ديون

وفي مجلس وفي عسكر مشحون

من لحم الناس ينهش بجنون

وفي السيسي رئيس ظالم ملعون.. 

بيقولوا عليه ده عبيط بقرون

وفي جماعة ناس مليانة دقون

حلال القتل وحرام الفنون

--

اليوم الخامس والعشرون..

القرن الحادي والعشرون.

الناس بالميدان يصرخوا للكون

واحد وعشرة وعشرين مليون

إضراب لا رجوع من جوع البطون

صوت واحد هز كيان فرعون

--

اليوم الخامس والعشرون..

القرن الحادي والعشرون.

مبارك راح وده كان مرهون

ومرسي راح وده كان مجنون

وجاه السيسي يبيع الأرض يخون

--

اليوم الخامس والعشرون..

والناس رجعت للتلفزيون

تسمع أخبار زمن الفرعون

السيسي "أب الكل" الحنون

والسيسي يقول ناكل زيتون

والشاشة تقول ده كلام موزون

والعيش يغلى لكن "مصر تمون"

--

اليوم الخامس والعشرون..

لي نادوا حرية "ارهابيون"

في زوايا السجن تنام عيون

وتحت الأرض شباب مدفون

وخطاب الدولة ده نوع أفيون

--

اليوم الخامس والعشرون

ده الجرح يا مصر زمانه يهون

وكلنا نحلم تاني ونكون

إيد واحدة تهد قصور وسجون

وحبنا يجعل للعمر ده لون

والورد يصير تمانين مليون

--

اليوم الخامس والعشرون

القرن الحادي والعشرون

ودي قصة حب في شهر كانون

بطلها شعب حزين مغبون

نهايتها النصر أكيد مضمون